1.Антыкарупцыйная камісія ДУА“Рассветаўская сярэдняя школа Клецкага раёна” па папярэджанні карупцыйных правапарушэнняў (далей - камісія) разглядае пытанні, звязаныя з процідзеяннем карупцыйным праявам ва ўстанове адукацыі.
2. Камісія дзейнічае ўвесь час і ў сваёй дзейнасці кіруецца дзеючым заканадаўствам Рэспублікі Беларусь і Палажэннем аб антыкарупцыйнай камісіі ўстановы адукацыі па папярэджанні карупцыйных правапарушэнняў.
3. Склад і план работы камісіі зацвярджаецца дырэктарам школы.
4. Мэтай работы камісіі з'яўляецца садзейнічанне ў прыняцці і ўмацаванні мер, накіраваных на больш эфектыўнае і дзейснае папярэджанне карупцыйных праяў ва ўстанове адукацыі.
5. Пры рэалізацыі ўскладзеных на камісію задач камісія ўзаемадзейнічае з кантралюючымі, праваахоўнымі, судовымі органамі.
6. Асноўнымі задачамі камісіі з'яўляюцца:
6.1. разгляд, абагульненне, аналіз інфармацыі, якая паступае ва ўстанову адукацыі, кантралюючых і праваахоўных органаў, іншых дзяржаўных органаў і арганізацый, заяў юрыдычных асоб і індывідуальных прадпрымальнікаў аб парушэнні антыкарупцыйнага заканадаўства ва ўстанове адукацыі;
6.2. выпрацоўка мерапрыемстваў і мер рэагавання на выяўленыя парушэнні антыкарупцыйнага заканадаўства;
6.3. абмеркаванне пытанняў арганізацыі і стану работы па захаванню патрабаванняў антыкарупцыйнага заканадаўства ва ўстанове адукацыі;
6.4. разгляд матэрыялаў праверак і рэвізій установы адукацыі, па выніках якіх выяўленыя выпадкі карупцыйных праяў;
6.5. разгляд іншых пытанняў па папярэджанні карупцыйных праяў ва ўстанове адукацыі.
7. Камісія мае права:
7.1. у межах кампетэнцыі ўстановы адукацыі і ў парадку, устаноўленым заканадаўствам, запытваць і разглядаць інфармацыю па пытаннях карупцыйных праяў ва ўстанове адукацыі;
7.2. уносіць прапановы аб правядзенні ва ўстанове адукацыі праверак выканання антыкарупцыйнага заканадаўства, забеспячэння мэтавага і эканомнага выкарыстання дзяржаўных рэсурсаў, захаванасці маёмасці, належнай пастаноўкі ўнутрыгаспадарчага кантролю;
7.3. уносіць прапановы аб прызначэнні дадатковых праверак па выніках праверак і рэвізій, праведзеных кантрольна-рэвізійнымі службамі, у ходзе якіх выяўлены факты карупцыйных праяў, і прымаць у іх удзел;
7.4. аналізаваць працу адміністрацыі ўстановы адукацыі па захаванню патрабаванняў антыкарупцыйнага заканадаўства, уносіць дырэктару ўстановы адукацыі прапановы па прыцягненні іх да дысцыплінарнай адказнасці.
8. Пасяджэннi камiсii праводзяцца па меры неабходнасці, але не радзей за адзін раз у паўгоддзе. Пасяджэнне камісіі лічыцца правамоцным, калі на ім прысутнічае не менш як дзве трэці членаў камісіі ад яе поўнага складу.
9. Старшыня камісіі арганізуе працу камісіі, вядзе яе пасяджэнне і нясе поўную адказнасць за арганізацыю выканання рашэнняў камісіі.
10. Пры неабходнасці ў пасяджэннях камісіі могуць удзельнічаць зацікаўленыя асобы дзяржаўных органаў, кіраўнікі і работнікі падведамных арганізацый.
11. Рашэнне камiсii афармляецца пратаколам. Рашэнне лічыцца прынятым, калі за яго прагаласавала простым галасаваннем не менш за палову членаў камісіі.
Пратаколы пасяджэнняў камісіі падпісваюцца старшынствуючым на пасяджэнні і сакратаром.
12. Пратаколы пасяджэнняў камісіі прадстаўляюцца на разгляд дырэктару ўстановы адукацыі, носяць рэкамендацыйны характар і могуць служыць падставай для падрыхтоўкі адпаведных арганізацыйна-распарадчых дакументаў ўстановы адукацыі па пытаннях выканання антыкарупцыйнага заканадаўства, папярэджання і спынення карупцыйных праяў сярод асобаў, упаўнаважаных на выканання дзяржаўных функцый, і іншых неправамерных дзеянняў, якія здзяйсняюцца насуперак інтарэсам дзяржаўнай службы ў сістэме адукацыі Рэспублікі Беларусь.
згарнуць
