Тыдзень бяспекі на вадзе
18.05.2022У рамках Тыдня бяспекі на вадзе ва ўстанове адукацыі праходзіць цыкл класны гадзін, прысвечаных дадзенай тэме.
Так, у VIII класе прайшла гадзіна зносін «Вада - радасць і бяда». Навучэнцы абмеркавалі прычыны няшчасных выпадкаў на вадзе і алгарытмы дзеяння ў небяспечных сітуацыях.
Прафілактычная гутарка "Правілы бяспекі на вадзе" прайшла для вучняў Х класа. Класны кіраўнік нагадала навучэнцам пра асцярожнасць і акуратнасць у паводзінах на вадаёмах у вясенне-летні перыяд.
Для навучэнцаў VI і VII класаў была праведзена гутарка-разважанне "Вада памылак не даруе". Удзельнікі з дапамогай віктарыны, тэстаў змаглі замацаваць веды мераў бяспекі на вадзе.
З навучэнцамі пачатковых класаў прафілактычную гутарку "Бяспека на вадзе" правялі члены атрада "АСВОД". Старшакласнікі нагадалі аб правілах паводзін на вадаёмах у летні перыяд і аб наступствах іх парушэння.