Брэйн-рынг “На дарозе будзьце асцярожныя”
01.11.2021Брэйн-рынг “На дарозе будзьце асцярожныя” прайшоў для навучэнцаў установы адукацыі. Удзельнікі ў гульнявой форме замацавалі свае веды правілаў дарожнага руху, а таксама даведаліся, як правільна сябе паводзіць у грамадскім транспарце. Гульня складалася з 6 раўндаў і ўключала пытанні па ПДР, творчыя заданні і абмеркаванне магчымых сітуацый на дарозе. Усе ўдзельнікі імкнуліся не толькі паказаць свае веды, але і падзяліцца імі з іншымі камандамі. З вялізным азартам падлеткі прайшлі ўсе этапы, спаборнічаючы на час. Асобным этапам спаборніцтваў была віктарына з літаратурнымі пытаннямі. Гульнявая форма дазваляе замацаваць веды і, як следства, бяспечныя паводзіны дзяцей на дарозе.