Дабрачынны фестываль-марафон "Крылы Анёла"

У рамках дабрачыннага фестывалю-марафону "Крылы анёла" навучэнцы 1-4 класаў прынялі ўдзел у выставе малюнкаў “Калядны цуд”. Работы выкананы ў розных стылях, яны напоўнены святлом, таямніцай, верай у казку, сапраўднай радасцю і дзіцячай фантазіяй. Самыя актыўныя ўдзельнікі выставы былі ўзнагароджаны памятнымі сувенірамі. Мэтай гэтай выставы з'яўляецца духоўнае асвета, знаёмства з хрысціянскай культурай і традыцыямі святкавання Каляд на Беларусі.

У рамках дабрачыннага фестывалю-марафону "Крылы анёла" для навучэнцаў 1-4 класаў прайшла гульнявая праграма "Кветка дабрыні". На мерапрыемстве дзеці разважалі аб добрых учынках, аб дабрыні, аб людзях, якія робяць дабро - валанцёрах. Пазнаёміліся са слоўнікам ветлівых слоў, гулялі ў гульні «Дабро і зло», «Збяры кветку». Таксама удзельнікі пазнаёміліся з прэзентацыяй на тэму "Дабрыня". Вельмі спадабаўся малодшым школьнікам мультфільм "Проста так". Пасля прагляду навучэнцы казалі аб тых добрых справах, якія яны могуць здзейсніць. У канцы гульнявой праграмы была зроблена выснова: чалавечая дабрыня і міласэрнасць, уменне цешыцца і перажываць разам з іншымі - аснова чалавечага шчасця.

У рамках дабрачыннага фестывалю-марафона "Крылы Анёла" для вучняў V-IIV класаў было праведзена мерапрыемства ў форме урока-падарожжа “Сонейка міласэрнасці”. Асноўнай мэтай якога стала прыцягненне ўвагі навучэнцаў да праблем маральнасці, духоўных каштоўнасцей, здаровага ладу жыцця, патрыятызму.

Для вучняў X-XI адбылася сустрэча за круглым сталом "Цудоўнае святло праваслаўя". Падчас мерапрыемства ўдзельнікі пазнаёміліся з тыпалогіяй асноўных рэлігій, уладкаваннем праваслаўных храмаў, тэрытарыяльным распаўсюджваннем асноўных рэлігій у свеце, правіламі паводзін у храме, гісторыяй узнікнення некаторых ікон. А на рэфлексію дзеці выбралі для сябе анёлкаў.

У рамках Тудня бацькоўскай любві і дабрачыннага фестывалю-марафона "Крылы Анёла" ва ўстанове адукацыі прайшло мерапрыемства ў форме круглага стала "Беларуская сям'я: учора, сёння, заўтра". Навучэнцы сустрэліся з іерэеем Андрэй Гладкім настаяцелем Храма Покрыва Прасвятой Багародзіцы г.Клецка. Святар расказаў навучэнцам біблейскую гісторыю аб стварэнні Богам свету і першых людзей, сям'і - Адама і Евы, а таксама адказаў на іх пытанні.